De tekst
oalt da stovout van 't plein!
geeft da zwijn nog nen aker
geeft die koe nog een beede
maakt de geed'n mo wakker
Zulte rockt, Zulte buist en swingt - Jowjow!
waar de muziek tot ip de ploatse klinkt
Zulte buist, Zulte swingt en rockt - Jowjow!
zels d'oude garde loopt ier ibbefokt
Zulte swingt, Zulte rockt en buist - Jowjow!
ier wordt tot stikken in de nacht 'efuift
ieder joar were
t' es altij schuên were
tewoare da 't reênt
ton zin me gezeênt
maar we trekken 't ons nie an
al zin me zobbende nat
de zondag van de kirmesse
zid'n me nie ib ons leeg gat
t' è de sortie van 't jaar
veur wie d' er geraakt
veur gasten mee een klakke
tot zelfs mensen van Wakken
mee nekhaar of fachen
of coup' cassrolle
wie ee d' er ier de gruêtste metsersvorre?
in 2003
es da boelk' ier begost
en ik moe 't ui nie ze'n
hoevele da tad ier wel kost
't è veur 'n goeê zake
da ge terre maakt
wie da tan nog te vele vindt
wel dat ie in de Leie springt!
nen man of duust
en 30 vaten
wie wee der zjuust
oe dan die thuis moen raken
blijven tappen es blijven plakken
geen kompassie mee wie al die
groene bekers moe wassen
Zulte rockt, Zulte buist en swingt - Jowjow!
waar de muziek tot ip de ploatse klinkt
Zulte buist, Zulte swingt en rockt - Jowjow!
zels d'oude garde loopt ier ibbefokt
Zulte swingt, Zulte rockt en buist - Jowjow!
ier wordt tot stikken in de nacht 'efuift
ieder zijn weegaarde
new wave en rock
pop, ska, punk, hiphop
zijt er nie an gefopt
locaal jong talent
en bedreven ouwe zakken
muziek die godverdomme an de ribben blijf plakken
Rock Zulte es top
en den inkom goedkuûp
en 't è moar nen tip:
de miêste vra'n ier ook
al blijv'n de grootste schijders
daar vanachter stoan
ip Rock Zulte wordt verwacht
da' g' uit ui dak zult gaan
